Saltoki Diquesí Trikideak taldeak 9 domina lortu zituen Kataluniako Bañolesen uztailaren 7an eta 8an izandako Espainiako Triatloi eta Aquatloi Txapelketetan.
Sprint Distantziako Espainiako Txapelketan junior kategoriako Laura Duranek irabazi zuen eta bere taldekide junior Ander Noain bigarren izan zen. Modu berean gizonezko eta emakumezko taldeek zilarrezko domina lortu zuten taldekako lehiaketan. Joan Waeger, Unai Xabala eta Roger Mirabet triatletek mutilen taldea osatu zuten eta Marina Echeniquek eta Claudia Martínezek Nafarroa ordezkatu zuten emakumezkoen lehian. Laura Apariciok, Irene Loizatek eta Usoa Ostolazak osatutako 23 urtez azpiko taldeak jardunaldia biribildu zuen zilarrezko domina lortuz ere bai.
Igandean aquatloiko proba lehiatu zen. Kirolariek kilometro bat igeri egiten eta 5 kilometro korrika egiten egin behar zuten. Berriro Ander Noain lasterketako buruan ibili zen. Uretan bikain aritu zen eta oinezko tartean erritmoa mantendu zuen helmugan lehenengoa izateko. Modu berean, junior kategoriako emakumezko eta gizonezko taldeak podiumera igo ziren. Izan ere, biak Espainiako Txapeldunak izendatu ziren. 23 urtez azpiko emakumezko taldea bigarren izan zen.
