Asteburu honetan, Madrilgo Alcobendas herrian jokatuko dira erlojuaren kontrako Espainiako duatloi-txapelketak, taldeka eta erreleboetan. Horiek izango dira duatloi-kluben liga nazionaleko lehen bi jardunaldiak. Saltoki-Trikideak txapeldun titulua defendatuko du emakumeen lehian. Iaz, 45 puntutik 45 lortu zituen liga batean, eta ohikoa baino kontzentratuagoa izan zen osasun-egoeragatik.
Aurten normaltasunera itzuli da, eta hiru asteburutan jokatuko diren zazpi jardunaldik osatzen dute liga. Apirilaren 24an, larunbata, Espainiako Erlojupeko Duatloi Txapelketa, taldeka. Probak esprint distantzia izango du, hau da, 5 kilometro oinez, 20 kilometro txirrindulaz eta 2,5 kilometro oinez. Taldeek sei duatleta izango dituzte, irteera hartu eta proba batera eginen dute, eta taldearen denbora laugarren sailkatuak markatuko du.
Emakumezkoen kategorian, Saltoki taldeak Edymar Brea Iratxe Arenal, Andrea Mediero, Ana López, Ana Filipa eta Marta Garcia aurkeztuko ditu 2019tik egiten ez den proba honetara non Nafarroako taldea zilarrezko domina lortu zuen. Gizonezkoen kategorian, Ander Noain, Joan Wäger, Francesc Godoy, Iker Ortiz de Zarate, Javier Carratala eta Hossain Kaanache izango dira.
Igandean, Espainiako errelebo-txapelketa jokatuko da. Proba azkar horretan, duatletek distantzia laburragoa egingo dute: 2 kilometro oinez, 5 kilometro bizikletaz eta 1.000 metro oinez. Elkarren segidako hiru banakako lasterketatan banatuko dira txandak. Proba honetan parte hartuko dute aurreko jardunaldian aritu ziren kirolari berberek.
Gainera, kluben arteko liga absolutuarekin batera, Talentu Liga ere jokatuko da. Esperientzia hartzeko aukera izango dute maila nazionalean lehiatuz, eta Saltoki-Trikideak taldeak ere aurkeztuko ditu bi sexuetan Iruñeko Triatloi Eskolan duen harrobiari esker.
