Gure emakume epailek etxetik kanpoko lehiaketetara bidaiatzen jarraitzen dute. Hain zuzen ere, hurrengo egunetan Europako eta Hego Amerikako hirietan hainbat txapelketatan arituko dira.
Maletak berriro hartuko dituen lehena Paula Remirez Ruiz izango da. Irailaren 13tik 20ra, Sao Paulora joango da “Panam Series III” txapelketan parte hartzera. Zirkuitu amerikar bateko hirugarren txapelketa da. Borrokaldia, Poomsae, Parataekwondo eta beste zenbait modalitate daude.
Pixka bat beranduago, Aitziber Gorraiz Larrionek, Federazioko Arbitraje Arloko zuzendariak, txanda hartuko du eta Ingalaterrako Sheffield herrira bidaiatuko du. Irailaren 24an eta 25ean British Taekwondo National Championship arituko da Ingalaterrako Kirol Institutuko instalazioetan.
Borroka-lehiaketa honek oiartzun handia dauka herrialdean; izan ere, aurreko edizioan Covid delakoaren ondorioz itzuli ondoren, aurten bi eguneko formatu osoa izango du berriro.
Tirana eta Manchester
Gure arbitroentzako azken bi lehiaketak Paularentzat izango dira berriro. Lehenik eta behin, irailaren 26tik urriaren 3ra, Tiranara (Albania) joango da, Europako 21 urtetik beherakoen Txapelketan eta Albaniako Irekian epaile lanak egiteko.
Europako Txapelketa lehiaketa hilaren hasieratik 30era arte izango da, eta hortik aurrera Albaniako Irekia izango da.
Eta bidaia berri hori amaitzeko, bi aste geroago, Paula Remírezek Manchesterreko Sari Nagusian parte hartuko du.
Sari Nagusi horiek Taekwondoko Munduko Federazioak sartu zituen 2013an, kirol honetako txapelketa olinpikorako sailkapen-sistema homogeneoa eskaintzeko. Urtean lau txapelketa izaten dira, eta Ingalaterrako herri horretakoa hirugarrena da, Erroman eta Parisen izan ondoren.
Azken honen ondoren, Suitzara joango da... baina gero, gerokoa.
