Urtarrilaren 27tik 31ra bitartean, Moskura joango da Paula Remírez Ruiz, Europako Taekwondo Federazioak antolatutako ikastaro batean parte hartzeko. Ikastaro horretan, kontinenteko txapelketak epaituko dituen Europako arbitraje taldea osatuko da.
Europako Federazioak bere taldea eta arbitroen sailkapena izan nahi ditu, eta horretarako ikastaro hau antolatuko du. Paula Joko Olinpikoetara joan zen prozesuaren antzekoa izango da, proba kopuru bera eta “training camp” moduko bat izango ditu.
Gehienez ere ehun lagunek hartuko dute parte hitzordu horretan eta, horren ondoren, talde arbitralean 30 eta 50 kide artean egongo dira.
Taekwondista nafarrak ostegun honetan bidaiatzea aurreikusten du eta nazioarteko deialdi batera itzuli da Tokio 2020ko Joko Olinpikoetan parte hartu ondoren.
