Saioa Jaurena eta Mayka Brust jokalari nafarrak, AS Bayonnais-eko jokalariak, José Antonio Barrio hautesle nazionalak Zeelanda Berrian 2022ko urriaren 8tik azaroaren 12ra jokatuko den Munduko Txapelketarako sailkatzeko prestatu duen behin betiko zerrendan sartu dira.
Larunbat honetatik aurrera, Jacan, 30 jokalarik hiru sailkapen-partida hauek prestatuko dituzte: Irlanda, Eskozia eta Italiako anfitriona. Sailkapen txapelketa Parman jokatuko da irailaren 13, 19 eta 25ean, eta World Rugbyk oraindik ez ditu ordutegiak zehaztu.
XV-eko Lehoiek txapelketa honetan lehenak bukatzen badute, zuzenean sailkatuko dira Munduko Txapelketarako. Hala ere, bigarrenak amaitzen badute, azken plazak ematen dituen errespeska jokatu beharko dute. Ez dago data ofizial zehatzik, baina datorren urteko lehen hiruhilekoan jokatuko dela espero da.
Partida horien aurretik, selekzioa Frantziako Toulouse herrira joango da, eta Stade Toulousainekin arituko da egun batzuk. Prestakuntza 20 minutuko hiru zatitako lagunarteko partidu batekin bukatuko da.
Egutegia:
• Abuztuak 27: PCR test eta beste betebehar batzuk Madrilen
• Abuztuak 28: Bidaia Jacara eta kontzentrazioaren hasiera
• Abuztuak 30: Bidaia Toulousera (Francia). Bertan Stade Toulousainekin arituko dira eta talde honen kontrako 20 minutuko 3 zatiko lagunarteko partidua jokatuko dute
• Irailak 4: Itzulera Jacara entrenatzeko
• Irailak 10: Bidaia Parmara
• Irailak 13: lehen partidua
• Irailak 19: bigarren partidua
• Irailak 25: hirugarren partidua
Deialdi osoa ikus dezakezu erantsitako dokumentuan.
Iturria eta argazkia: FER
