Maiatzaren 22ko eta 23ko asteburuan, Sevillako La Cartuja kirol-instalazioetan, Espainiako Selekzio Autonomikoen Txapelketa jokatuko da XV. emakumezkoen 18 urtez azpiko kategorian. Nafarroako Selekzioak parte hartuko du bertan, Andaluzia, Valentzia eta Gaztela eta Leongo konbinatuekin batera.
Nicholas Marshallek eta Augusto Mirallesek zuzentzen dute La Única Rugby Club eta Rugby Club Riojako jokalariek osatutako taldea. Larunbatean, 11:00etan, hasiko da txapelketa, Valentziako Erkidegoaren aurrean. Ordubete geroago, Andaluziaren kontra neurtuko da, eta igandean, 12:00etan, txapelketako azken partidan, Gaztela eta Leonen aurka.
Azken sailkapena ligaxka honetan lortutako puntuen araberakoa izanen da.
Nafarroako Foru Komunitateko ordezkaritza osatzen dute Ainhoa Diaz Changok eta Oskar Zuñiga Iriartek. Horiek delegatu eginkizunak beteko dituzte.
Erantsitako dokumentuetan ikus ditzakezu Nafarroako deialdia eta txapelketaren araudia.
