Talde baztandarra martxan dago 2020-2021eko denboraldi berria prestatzen hasiz. Espero da ikasturte arraroa izatea koronabirusarengatik. Hala ere, zuzendaritza batzordea lan egiten ari da jada aurre egiteko asmoz.
Abuztura arte itxaron beharko da, lehiaketak nola egingo diren, azpiegituretan, instalazioetan, joan-etorrietan eta abarretan zer baldintza bete behar diren ikusteko. Hala ere, kluba hasi da horretan pentsatzen eta lan egiten.
Ekonomikoki, zozketaren arrakastaren ondoren, lerro hauen bidez eskerrak eman nahi dizkiegu parte hartu eta nolabait lagundu duzuen guztiei, likidezia hori gabe klubaren etorkizun ekonomikoa oso konprometituta egongo baitzen. Gaur egungo klubaren kontuekin, hurrengo denboraldiari berme osoz aurre egin diezaiokegu, baina arlo horretan lanean jarraitu beharko dugu, baita kluberako finantzabide berriak bilatzen jarraitu ere.
Kirolaren alderdiari dagokionez, aurreko denboraldian Mariano Iribarren eta Peio Obregozo senior taldeko entrenatzaileek ez dute lan horretan segituko, eta klubaren barne-organigraman sartuko dira. Egoera horren aurrean, zuzendaritza batzordeak aurrerapauso bat eman nahi du eta klubaren filosofian txertatuko den entrenatzaile bat kontratatu nahi du, bertan dauden jokalariak ilusionatu eta etorkizunera erakarriko dituzten lan eta joko ideia berriak ekarriko dituena. BRT Menditarrak klubean, gaur egun, helburua bizirik irautea da, Nafarroako iparraldean errugbia eskainiz eta gozatuz.
2018-2019 kanpainaren amaieran hondoa jo ondoren, non desagertzeko zorian egon ginen jokalaririk ez zegoelako, pixkanaka egoerak hobera egin du, eta hurrengo kanpainarako klubak jokalari hauek ditu:
Senior taldea:
• 100% konprometitutako 18 jokalari
• Lanarengatik edo beste arrazoi sozialengatik konpromiso txikiagoa izan ahal duten 10 jokalari
18 Urtez Azpikoa:
• 14 jokalari
16 Urtez Azpikoa:
• 7 jokalari
Beheko kategoriak:
• 20 jokalari
Beheko kategorietan Irunekin bat lehiatuko dugun arren, ikusi beharko da COVID-19ren eragina zein den.
Zume horiekin badakigu zaila dela proiektu honek norbait erakartzea, baina ahal den guztia egingo da horretarako.
BRT Menditarrak taldean, lana, errespetua, konpromisoa, giro ona eta ikasteko gogoa ez dira faltako.
