Datorren asteburuan A multzoko 16 eta 18 urtez azpiko kategorietako Euskal Ligak hasiko dira. Bertan La Unicako taldeak arituko dira.
Lehiaketa Nafarroako Unibertsitate Publikoko instalazioetan estreinatuko da eta La Unica Errugbi Taldeek Gernika/Elorrio talde hibridoaren aurka jokatuko dute. Haurrak 11:00etan hasiko dira, eta kadeteak, ordu erdi geroago.
Nafarroako Errugbi Federazioko beste taldeek itxaron beharko dute Iruña, Marzola Errioxa eta Baztan datorren astean estreinatuko baitira.
Honetaz gain, emakumezko senior kategoriako La Unica Errugbi taldeak lagunarteko partida izango du NUP-n ere, 13:00etatik, Les Abelles valentziarraren kontra.
